Eanandoallo- ja biebmoministtar Jon Georg Dale vástida stuoradiggeláhttu Rasmus Hansson (MDG) jearaldaga movt bissehit CWD-dávdda leavvamis Norggas.
Eanandoallo- ja biebmoministtar Jon Georg Dale vástida stuoradiggeláhttu Rasmus Hansson (MDG) jearaldaga movt bissehit CWD-dávdda leavvamis Norggas.
– CWD-dávda lea vuosttaš geardde gávdnon Norggas ja Europas, njukčamánu 2016. Dat lea njoammudávda mii njoammu sarváelliide. Dávda sáhttá njoammut bohccuide ja gottiide ja eará sarváelliide Norggas ja ránnjáriikkain. Dávda lea stuora áittan Norgga luonddus ja gottiide. Sáhttá šaddat dárbu jođánit ja viiddis doaimmaid čađahit. Sáhttá go stáhtaráđđi dáhkidit ahte sáhttá jođáneamos lági mielde čađahit doaimmaid mat hehttejit dávdda leavvamis Norggas? Dán jearrá stuoradiggeláhttu Rasmus Hansson.
Ministara vástádus jearaldahkii
– Vuoiŋŋamašdávda lea gávdnon golmma gottis Nordfjella guovllus, ja guovtti ealggas Selbu guovllus. Dávda lea duođalaš dávda, muhto ii leat njommon olbmuide. Diibmá bidje johtui doaimmaid mat galget veahkkin hehttemis dávdda leavvat. Dán rádjái leat čoaggán ja analyseren 10 000 iskosa, ja lea dárbbašlaš čuovvolit kártenbarggu, vástida Eanandoallo- ja biebmoministtar Jon Georg Dale.
– Lea dehálaš hehttet njoammudávdda effektiiva doaimmaiguin. Gaskaboddosaš láhkaásahus lea guhkiduvvon dan botta go vuordit bistevaš láhkaásahusa boahtit doibmii. Rievdaduvvon láhkaásahusas galgá sáddejuvvot gulaskuddamii fargga, čilge Dale.
– Doaimmat leat biddjon johtui mat bissehit gottiid Nordfjella guovllus guođđit báikki, ja čađahuvvo gulahallan boazoealáhusain, šibitdoavttir- ja biraseisseválddiin ja eará beroštumiiguin. Dál lea beare árrat dadjat makkár lassidoaimmaid ferte bidjat johtui, ja mun deattuhan ahte mii oaidnit dili hui duođalažžan. Mii čuovvut ovdáneami vuđolaččat ja árvvoštallat doaimmaid go oažžut bohtosiid goziheamis, vástida eanandoallo- ja biebmoministtar Jon Georg Dale.
