-Almmuhus-
OAIVILATOahppit huigášuvvojit válljet sámegiel­oahpu

Oahppit huigášuvvojit válljet sámegiel­oahpu

-

-

Go Romssa ja Finnmárkku oahppit galget válljet giela joatkkaskuvlii, skuvlaráđđeaddit huigášit válljet sámegiela «menddo olu barggu» ja«oahpaheaddjeváni» dihte. Dán čállet Romssa ja Finnmárkku Nuoraid Fylkkaráđi lahtut dán lohkkiidčállosis.  

Skuvlaráđđeaddit eai ávžžut ohppiid válljet sámegiela fágan joatkkaskuvllas.

Norgga golbma davimus fylkkagieldda: Trööndelage, Nordlánda ja Romsa ja Finnmárku leat oassi sámegiela hálddašanguovllus. Buot daid fylkkaidjoatkkaskuvlaohppiin lea danne riekti válljet sámegieloahpu skuvllas. Liikká čájehuvvo ahte dat hejot čuovvuluvvo.

Go Romssa ja Finnmárkku oahppit galget válljet giela joatkkaskuvlii, skuvlaráđđeaddit huigášit válljet sámegiela «menddo olu barggu»  ja «oahpaheaddjeváni» dihte. Dat leat ruovttoluottadieđut ohppiin geat háliidit sámegiela oahppat. Garra oahppanmokta ja áigumuš lea dárbbašlaš ohppiide geat háliidit oahppat giela mii lea dásseárvosaš dárogielain. Áddemeahttun, danne go Romsa ja Finnmárku fylka fállá sámegieloahpu buot ohppiide. Dat čuožžu čielgadit sin neahttasiiddus.

Mii diehtit ahte váilot sámegieloahpaheaddjit ja ahte ođasmahttojuvvon oahppomateriála lea leamaš hástalus. Dat gullo dávjá fylkkapolitihkkáriin, muhto dalle lea maiddái áigi guldalit ohppiid iežaset vásáhusaid. Mii deaivvadit skuvladoaimmain mii unnán muddui movttiidahttá sámegielohppui. Sámegieloahpu mearkkašupmi ferte dásseduvvot eará gielaiguin. Oahppat espánnja-, fránskka- ja duiskkagiela lea dehálaš, muhto sámegiella han lea min guovllu historjjálaš ja kultuvrralaš giella. Mii leat máŋga oahppi geain lea sámi gullevašvuohta ja háliidit oahppat iežamet giela.

Mii diehtit ahte muhtin skuvllat fylkkas gohčodit iežaset resursaskuvlan sámegieloahpu hárrái, muhto ahte daid skuvllaid oahppit eai goassige leat gullan dan vejolašvuođa birra. DLea vejolaš fállat buori digitála oahpu sámegielas skuvlaohppiide fylkkas, muhto lea skuvllaid ovddasvástádus láhčit dan.

Mii leat dolkan vuordit. Romssa ja Finnmárkku nuorat galget beassat oahppat iežaset kultuvrra ja giela. Mii gáibidit ahte fylkkagielda ja joatkkaskuvllat barget juoidá. Go čakčat fas lea skuvlaálggaheapmi, de eambbosiidda berre dieđihuvvot fálaldaga birra ja berre leat seamma álki válljet sámegiela go eará gielaid. Ja ohppiide: Allet vuollán, dis lea riekti dasa!

-Almmuhus-