Badjel 60 proseantta vuođđoskuvlla oahpaheddjiin vástidit ahte sis lea unnit áigi ohppiide dál go golmma jagi áigi, čájeha ođđa guorahallan.
Badjel 60 proseantta vuođđoskuvlla oahpaheddjiin vástidit ahte sis lea unnit áigi ohppiide dál go golmma jagi áigi, čájeha ođđa guorahallan.
31 proseantta oaivvildit ahte sis lea unnit áigi čuovvolit ohppiid dál go golmma jagi áigi, seamma oallugat ges vástidit ahte sis lea mealgat unnit áigi ohppiide dál go ovdal.
Dušše 5 proseantta oahpaheddjiin oaivvildit ahte sis lea lassánan áigi čuovvolit ohppiid, čájeha Oahppolihttu iskkadeapmi man Respons Analyse lea čađahan.
Ráđđehus ii leat sivalaš
Máhttodepartemeantta stádačálli Magnus Thue oaivvilda ahte ráđđehus ii leat sivalaš dása.
– Oahpaheddjiin ferte dieđusge buorre áigi čuovvolit iežaset ohppiid, ja danin lea midjiide dehálaš ahte našunála gáibádusat dieđiheapmái eai lassán, dadjá son Klassekampen avisii.
Gáibádus politihkkáriidda
Oahppolihttu, Ohppiidorganisašuvdna ja vuođđooahpahusa Váhnenlávdegoddi gáibidit ahte politihkkárat galget mearridit galle oahpis juohke oahpaheaddjis galgá ovddasvástádus.
Sii oaivvildit ahte oahpaheaddji gii oahpaha 1.-4. ceahkkái galget eanemusat 15 oahppi ja eará dásiin ges eanemusat 20 oahppi.
Sosialisttalaš Gurutbellodat, Risttalaš Álbmotbellodat ja Rødt dorjot árvalusa.
Jus politihkkárat doahttalit dán, de lea dárbu virgádit 3.000 ođđa oahpaheaddji.
Bargiidbellodat doarju evttohusa belohahkii.
