-Almmuhus-
-Almmuhus-
OĐĐASAT Oahpaheaddje­studeanttat válbmejit oahpu jođá­neappot dál go ovdal

Oahpaheaddje­studeanttat válbmejit oahpu jođá­neappot dál go ovdal

-

-

2016:s rievdadii ráđđehus árvosátnegáibádusa ovtta fágas beassat vuođđoskuvlaoahpaheaddjiohppui.

Ráđđehus dieđiha preassadieđáhusas ahte oahpaheaddjestudeanttat válbmejedje oahpu jođáneappot 2016 rájes go dalle čavgii ráđđehus árvosátnegáibádusa matematihkas árvosánis 3 árvosátnái 4:i. Studeanttat, geat dan vuosttaš jahkái 2016:s ožžo ođđa árvosátnegáibádusa, válbmejedje measta 63 proseanttain, mii muitala lei 7 proseanta eambbo go jagi ovdal. 

– Mii leat dál fargga das ahte juohke mánná oažžu gealbuduvvon oahpaheaddji luohkkálanjas mii dagaha ahte oahppit ožžot ovttalágan vejolašvuođaid. Ráđđehus lea bargan systemáhtalaččat guhkit áigge oahpahit eambbo oahpaheddjiid buoret čađahemiin, gelbbolašvuođagáibádusain ja masteroahpuid čađa, lohká oahppo- ja integrerenministtár Guri Melby (G). 

-Almmuhus-