-Almmuhus-
-Almmuhus-
-Almmuhus-
SMÁVVAOĐĐASATOahpa mo gusaiguin galgá láhttet 

Oahpa mo gusaiguin galgá láhttet 

-

-

Maid bargat jus deaivat gusaid meahcis? – Čuovo dáid gussanjuolggadusaid, de šaddá buoret sihke dutnje ja šibihiidda, ávžžuha Norsk Friluftsliv.

Ii leat nu álki diehtit olbmuide mo galgá láhttet go deaivá gusaid meahcis go dat sáhttet leat hui sáhkket. Oktasašorganisašuvdna Norsk Friluftsliv lea ovttasráđiid Boanddaidservviin, TYR:n, Tine Norgga Boanda- ja smávvadálolaččaid servviin ja Genoin hábmen njuolggadusaid mo olmmoš berrešii láhttet lahka šibihiid. Searvvit sávvet olbmuid čuovvut daid. Jahkásaččat luitet  boanddat badjelaš 250 000 šibiha nu go gálbbiid, guigguid ja gusaid, meahccái guohtut. Maŋimuš jagiid leat šibihat baldán dahje rohkkáhan olbmuid.

– Lea ávkkálaš diehtit mo galgá láhttet lahka šibihiid. Šibihat sáhttet maid ballát, erenoamážit jus navdet gálbi lea áitojuvvon, lohká Norsk Friluftsliv gulahallanneavvu Linn Elise Jakhelln.

Gussanjuolggadusat

Garvve gussačorraga álege bahkke gusaid gaskii. Ále mana lahka gálbbi go gussa sáhttá fallehit várjalan dihtii gálbbi. Gusat leat hui sáhkket ja olles gussačora sáhttá boahtit, guođe mii leažžá gieđaid gaskkas ja murdde eret das. Sáhtát viežžat dávviriiddat go gusat leat guođđán guovllu. Jus lea beana fárus, garvve álfárot gussačorraga. Muitte ahte ii leat lohpi luoitit beatnaga luovus 01.04.-20.08. áigodagas. Jus rabat verráha, govčča dan maid! Rabas verráhiid bokte besset šibihat báikkiide gosa eai galgga ja sáhttá leat váralaš sihke daidda ja olbmuide.

-Almmuhus-