-Almmuhus-
-Almmuhus-
GUOIMMUHEAPMI Oaggungilvu dán geasi maid

Oaggungilvu dán geasi maid

-

-

Ávvir lágida dán geasi maid oaggungilvvu mánáide. – Dat lea leamašan hui bivnnut ovddit gesiid, danne joatkit dainna dán geasi maid, lohká Ávvira váldodoaimmaheaddji.

– Mii leat ovddit gesiid vásihan ahte mánát leat áŋgiris guollebivdit ja maid áŋgirat sáddet oaggungovaid midjiide. Dat lea hui suohtas ja danne leat ge mii mearridan dán geasi maid lágidit gilvvu min nuoramus lohkkiide, lohká Ávvira váldodoaimmaheaddji Kari Lisbeth Hermansen

 

Okta vuoiti juohke vahkku ja skeaŋka buohkaide

Váldodoaimmaheaddji muitala ahte juohke vahkku vuorbádit ovtta vuoitit sin gaskkas geat dan vahkku leat sádden guollegovaid Ávvirii.

Son vuoitá oaggunstávrrá.

– Ođas dán geasi leat ahte buohkat geat sáddejit gova gilvu ožžot skeaŋkkaža Ávviris, muitala Kari Lisbeth.

 

Álkes njuolggadusat

Gilvvus lea moadde ja álkes njuolggadusa:

  • Gilvu álgá bearjadaga geassemánu  28. beaivvi ja bistá gitta borgemánu 18. beaivái diibmu 24.00 rádjái.
  • Gilvui sáhttá searvat vaikko makkár guliin, beare lea goddon oaggunstávrráin.
  • Guolli oažžu leat goddon vaikko gos, muhto ferte leat goddon 2019 geasi.

 

Guolle- dahje oaggungova sádde avvir.no siiddus. Doppe deavdde maid buot dieđuid guoli ja oaggu birra.

 

Buohkat mielde vuorbádeamis

Loahpas geasi leat maid buohkat geat oassálastet mielde vuorbádeamis mas sáhttá vuoitit 1500 ruvnno árvosaš skeaŋkakoartta.

– Mii sávvat mánát ja nuorat dán geasi maid leat áŋgirat oaggut ja sáddestit gova midjiide go lea leamašan guollelihkku. Sáhttá vel nu lihkku ahte vuoitá vel ođđa oaggunstávrrá dainna, lohká Kari Lisbeth Hermansen vel. 

- Advertisement -
-Almmuhus-