-Almmuhus-
-Almmuhus-
-Almmuhus-
OĐĐASATOaččui vejolaš­vuođa searvat World Cup čuoigan­báhčimiidda 

Oaččui vejolaš­vuođa searvat World Cup čuoigan­báhčimiidda 

-

-

Nuorra čuoiganbáhčči Ruonáeatnamis, Sondre Slettemark (18), kvalifiserii oassálastit rávisolbmuid Máilmmi Cup -čuoiganbahčingilvvuide boahtte jagi, muhto giitá čábbát ja lohká sus leat eará mihtut. 

– Mun dieđus lean hui rámis dainna go čuigen bures ja dat attášii vejolašvuođa gilvalit máilmmi buoremusaiguin. Muhto mun váccán goalmmát luohká joatkkaskuvllas ja lea váttis gávdnat ná olu áiggi johtimii, dadjá Slettemark preassadieđu bokte masa KNR čujuha. 

Sondre Slettemark oaččui dan vejolašvuođa maŋŋá go bures birgii Ruoŧa Cupas man International Biathlon Union (IBU) lágidii. Ruonáeatnama čuoiganbáhčinlihttu lea 2002 rájes leamašan IBU-lahttun. 

Norgga Cup ja Máilmmimeašttirgilvvut nuoraide

Lea  gilvvut maid Slettemark háliida vuoruhit boahtte jagi. 

– Norgga Cupas mus lea vuosttáš sadji diimmážis. Dan jagi áiggošin eanet gilvvuin leat buoremusaid searvvis Norgga Cupas ja nu maiddái loahpa áigodaga áiggošin leat buoremusaid searvvis, dadjá son. 

Dasa lassin áigu Slettemark buoridit iežas oassálastima Nuoraid máilmmimeašttirgilvvuin čuoiganbáhčimis mat galget leat álggogeahčen njukčamánus. 

-Almmuhus-