-Almmuhus-
-Almmuhus-
OĐĐASAT Oaččui doarjaga jođánit earránit

Oaččui doarjaga jođánit earránit

-

-

Sosialisttalaš Gurotbellodat riikkačoahkkin doarjjui ovttajienalaččat Romssa ja Finnmárkku fylkkasearvvi das ahte «fylkkat, mat háliidit earránit, ožžot dahkat dan nu jođánit go vejolaš, vai fylkkat ieža besset bargagoahtit dan nammii, eai ge dárbbaš vuordit boahtte dábálaš fylkkadiggeválgii». 

Dan mearridii Sosialisttaš Gurotbellodaga riikačoahkkin mannan vahkkoloahpa. Romssa ja Finnmárkku Sosialisttalaš Gurotbellodaga jođiheaddji Bjarne Rohde lea duhtavaš. 

– Mii leat hirbmat ilus go jahkečoahkkin mearridii min doarjut, go dat šaddá Sosialisttalaš Gurotbellodaga almmolaš politihkka. Dat mearkkaša ahte buot bargu mii dahkko riikaviidosaččat, de váldo dat bargu mielde ja Romssa ja Finnmárkku jienasteaddjit sáhttet leat 100 proseantta sihkkarat ahte olles bellodat doarju min gáibádusa, lohká Romssa ja Finnmárkku Sosialisttalaš Gurotbellodaga jođiheaddji Bjarne Rohde preassadieđáhusas.

Son čilge ahte dan lohpidedje sii iežaset jienasteaddjiide ovdal ovddit fylkkadiggeválgga.  

-Almmuhus-