Čáhčefápmoprošeavttat leat dál NVE vuoruhanlisttus bajimusas, go sii hálidit elrávdnejebuvttádeami dássedeabbon.
Dás duohku vurdet Norgga Čázádat- ja energiijadirektoráhta bealis eanet ohcamiid dulvadanprošeavttaid bokte buvttadit elrávnnji.
Sii čállet preassadieđus ahte mihttu livččii oažžut johtui ođđa čáhcefápmoprošeavttaid, ahte dálá čáhcefápmorusttegat buvttadit beaktileappot elrávnnji, ja dálá čáhcefápmorusttegiid eaiggádat stuoridivčče buođuid.
NVE direktevra, Kjetil Lund, lohká ahte Norggas ferte nannet elfápmobalánssa ovddosguvlui. Čáhcemagasiinnaid bokte beassat reguleret elfápmobuvttadeami lea dat geađgejuolgi mii sihkkarastá elrávnnjii dássedisvuođa, ja son vuordá eambbo dakkár prošeaktaohcamiid ovddosguvlui.
NVE čállá ahte prošeavttat, main dálá čáhcefápmorusttegat buvttadit eanet dan bokte ahte stuoridit buođuid, dahje beaktileappot buvttadit elrávnnji, leat bajimusas sin vuoruhanlisttus.
