Váriin lea ollu muohta mii sáhttá dagahit vahágahtti giđđadulvvi buot riikkaosiin, dieđiha Norgga čázádat- ja energiijadirektoráhta (NVE).
– Dat lea dakkár giđđadulvi mii sáhttá vahágahttit infrastruktuvra ja eará, dadjá NVE hydrologa Inger Karin Engen NRK:i.
NVE ávašta ođđa raporttas mii almmuhuvvo disdaga, ahte lea stuorra várra dulvviide (oránša riskadásis eanaš čázadagain). Oránša dássi lea nubbin alimus riskadassi, mii váruha ahte dulvvit sahttet dahkat duođalaš vahágiid.
– Dábálaččat leat 20 proseantta dulvviin oránša várra-riskkat dulvvit. Dan jagi váruhit ahte badjel 50 proseantta dulvviin leat dán riska ceahkis, dadjá Engen.
Davvi-Norggas lea badjel 90 proseantta riska ahte šaddá giđđadulvi. NVE dieđiha ahte Davvi-Norggas jáhkket giđđadulvviid álgit gaskkamuttus miessemánu.
(©NTB)