Norges vassdrags- og energidirektorat (NVE) dahje Norgga čázádat- ja energiijadirektoráhta lea addán Solgrid AS konsešuvnna hukset ja jođihit Furuseth beaivvášfápmorusttega. Lea vuosttaš beaivvášfápmorusttega nannámis mii oažžu konsešuvnna Norggas. Beaivvášfápmorusttet huksejuvvo Stor-Elvdal gildii, Innlandet fylkkas.
Gávdnojit gal eanet konsešuvnnakeahtes beaivvášfápmorusttega birra Norgga, muhto stuorát beaivvášfápmorusttegiin ferte leat rusttetkonsešuvdna dahje lohpi.
– NVE lea dál addán konsešuvnna Norgga vuosttaš beaivvášfápmorusttegii. Eai leat nu gallis geat buvttadit elrávnnji beaivvášfápmorusttegiin, muhto lassána dássidit. Boahttevaš jagiid jáhkkit mii beaivvašfámu váikkuheami lassánit dađistaga el-buvttadeapmái, lohká NVE energiija- ja konsešuvdnaossodaga direktevra Inga Nordberg preassadieđáhusas.
Furuseth beaivvášfápmorusttet lea ožžon lobi buvttadit gitta 7 MWp, mii jahkásaččat sáhttá addit birrasii 6,4 GWh ođđa ođasmahtti energiijabuvttadeapmái. Lea doarvái elrávdnji birrasii 320 dállodollui jahkásaččat. NVE oaidná konsešuvnna addima Furuseth beaivvášfápmorusttegii, pilohtaprošeaktan. Rusttet huksejuvvo 175 mihttu sturrosaš beahcevuovdái ávdin guovllus. NVE árvvoštallá ahte leat uhcán birasváikkuheamit.
