-Almmuhus-
SMÁVVAOĐĐASATNVE áigu čielggadit gáidduslieggasa haddebidjama

NVE áigu čielggadit gáidduslieggasa haddebidjama

Journalista

-

-

NVE áigu čielggadit berre go gáidduslieggasa haddebidjama sirret elrávdnjehattis. NVE čállá reivves Oljo- ja energiijadepartementii ahte sii áigot čielggadit evttohusa gáidduslieggasa boahttevaš njuolggadusaide.  

– Nu mo njuolggadusat leat dál, de čuovvu gáidduslieggahaddi elrávdnjehatti. Mii árvvoštallat dál lea go dat buoremus čoavddus, nu guhká go gáiddusliekkas buvttaduvvo doabbariin ja bioenergiijas, lohká Norgga čázádaga- ja energiijadirektoráhta (NVE) direktevra Kjetil Lund.

NVE oaivvilda ahte lea dehálaš čielggadit galgá go gáidduslieggasa reguleren dahje mudden ain dáhpáhuvvat nu mo mearriduvvui 1986 gáiddusliekkaslágas. Lea earenoamáš mo haddemudden ja gáidduslieggasa buhtadas berre leat vai lea go dárbu dan ođđasit árvvoštallat. Lea láhkii biddjon ahte gáidduslieggasa divraseamos haddi ii galgga eambbo go elrávdnjeliekkas. Olbmot leat váidalan go gáidduslieggasa haddi čuovvu elrávdnjehatti heillodusaid.

Kjetil Lund muitala sii meannudit daid váidagiid. Jus kunddar lea máksán menddo olu, de dáhttu NVE gáidduslieggasa fitnodaga geahpedit hatti dan áigodaga ovddas maid kunddar lea váidán. Dás nve.no sáhtát lohkat mo váidda meannuduvvo.

-Almmuhus-