-Almmuhus-
SMÁVVAOĐĐASATNuvttá teáhterkursa mánáide ja nuoraide

Nuvttá teáhterkursa mánáide ja nuoraide

-

-

Sámi nuoraid lávdi / HATS, Várdobáiki ja Márkomeannu bovdejit nuvttá teahterkursii dán jagáš Márkomenoš oktavuođas.

Sii ohcet oasseváldiid geat leat sáhkkit dan ektui mo ráhkada teáhtera, háliidit leat birrasis dahje niegadit čuožžut lávddis. Bagadalli kurssas lea Kim-Runar Klodiussen, geas áiddo lei čájálmas Davvi-Norggas.

– Bargobádji, mii lea plánejuvvon lea sidjiide gaskkal 12 – 19 jagi, muhto jos leat boarrásabbot dahje nuorabut geat háliidit searvat, de gal nagodat heivehit kurssa vai heive dutnje maid, dadjá festiválajođiheaddji Aili Guttorm preassadieđáhusas.

Dieđihanáigemearri lea lávvordaga suoidnemánu 24. beaivvi, ja kursa álggahuvvo vuossárgga 26. beaivvi, ja bistá lávvordahkii, goas lea čájálmas. Sii geat mátkkoštit eará báikkiin ožžot mátkki gokčojuvvon kursii.

– Mis lea gáibádus sidjiide geat háliidit oassálastit, ja dat lea ahte háliidat leat ovttas earáin ja leat oassin joavkkus geat ráhkadit buori vahkku ovttas, loahpaha Guttorm.

-Almmuhus-