Sámi fágagirjjálaš čálliid- ja jorgaleaddjiidsearvi almmuha fas nuvttá bláđi, Sámis, mas leat čállosat áigeguovdilis fáttáid birra.
Sámis bláđđái lea Annika Pasanen čállán miellagiddevaš čállosa «Sámegielaid ođđa hállit». Dán čállosis namuha ovdamearkan mo jus olmmoš gii fárre Sápmái, jurddaša «ahte ii leat su ášši rahčat nuppiid giela oahppama ovddas, go dat nuppit muđuige jo máhttet su giela». Dás son geardduha suopmelaš dutki ja girječálli Elias Lönnrota go moaitá luteránalaš girku Anáris 1900-logus: «- dan dihte, ahte okta ii gáro oahpahallat sámegiela, fertejit buohkat oahppat suomagiela».
Ètienne Ljóni Poisson ges čállá: Mu váimmu giella lea sámegiella vaikko in leat sápmelaš». Hartvig Birkely lea fas čállán »Muittut mearraávkkástallamis Leavdnjavuonas» man mielde čuovvu maid oanehaš sátnelistu. Jon-Christer Mudenia čállá velá loahpas «Servodaga vuordámušat nuoraide». Nuvttá bláđi lea vejolaš tiŋgot Girjjálašvuođaguovddážis, ragnhild@gavpi.org
