Nussir direktevra Øystein Rushfeldt lohká oaidnigoahtán loahpa proseassain mat gusket Nussir ASA ruvkeásáheami lobiide. – Dilli lea dál čuvggodišgoahtán, mii leat hui positiivvat go oažžut doarjaga, lohká son.
Nussir direktevra Øystein Rushfeldt lohká oaidnigoahtán loahpa proseassain mat gusket Nussir ASA ruvkeásáheami lobiide. – Dilli lea dál čuvggodišgoahtán, mii leat hui positiivvat go oažžut doarjaga, lohká son.
Nussir-direktevra Øystein Rushfeldt lei čuovvume Fálesnuori suohkanstivračoahkkima mii lei duorastaga čakčamánu 14. beaivvi. Doppe son lei čuovvume ášši mas suohkanstivrras lei Nussir-ášši gulaskuddamis. Son lohká doppe mannan bures, ja go FeFo-direktevra dál lea cealkán ahte son lea positiiva Nussirii, de dat ii buvtte Nussir-direktevrii eará go buori dovddu.
FeFo oaivil hui dehálaš
Nussir-direktevra illuda FeFo-direktevrra doarjaga ovddas ja lohká dehálažžan sidjiide maid FeFo oaivvilda áššis.
Mii illudit buot doarjaga ovddas maid oažžut, ja earenoamážit vel FeFos, mii lea okta dain dehálepmosiin, sii eaiggáduššet dan eatnama gos mii galggašeimmet álggahit ruvkke. Sidjiide maid boahtá stuora oassi prošeavtta sisaboađus go dat boahtá johtui, ja mis galgá singuin lagas oktavuohta logiid jagiid ovddos guvlui, nu ahte midjiide lea hui dehálaš maid FeFo oaivvilda, lohká Rushfeldt.
Olles ášši beasat lohkat lávvordataviissas.
