Davvi-Norggas leat duorastaga máŋgga sajis sihke giddejuvvon luottat ja ráidovuodjimat.
E6 luodda Nuovasmuotkkis lea fas giddejuvvon dan sivas go guovllus lea stuora uđasvárra. Stáhta geaidnodoaimmahat giddii luotta gaskavahkku eahkeda ja galgá duorastaga diibmu 15:00 ođđasit árvvoštallat sáhttá go čađahit ráidovuodjima dahje rahpat geainnu.
Maiddái E6 luottas Suoidneleavšši badjel čađahuvvo duorastaga ráidovuodjin garra dálkki geažil.
Seammá guoská E6 luddii Sáltoduoduoddara badjel.
E10 luodda Bonjuváris, Áhkanjárggas, lea giddejuvvon garra dálkki geažil. Ođđa árvvoštallan galgá dahkkot duorastaga diibmu 11:00, dieđiha Stáhta geaidnodoaimmahat iežaset neahttasiiddus.
