Nuortalaččain lea ođđa ovdaolmmoš ja son lea Veikko Feodoroff.
Nuortalaččaid ovddeš ovdaolmmoš ja boazodoalli Veikko Feodoroff lea dieđihuvvon fas nuortalaččaid ovdaolmmožin, jagiide 2018-2020, dieđiha YLE Sápmi.
Dušše sus gelbbolašvuohta
Válgalávdegoddi lea guorahallan ja dieđihit ahte dan golbma nuortalaš ovdaolbmo evttohasain lei dušše Veikkos válgagelbbolašvuohta ja giellagelbbolašvuohta.
Sivvan manne válgalávdegoddi lea guorahallan evttohasaid giellagelbbolašvuođas, lea go dálá nuortalaččaid ovdaolmmoš Tanja Sanila váidojuvvui mannan válggaid. Lei dušše Veikko Feodoroff gii doahttalii searvat giellaiskkadeapmái.
Guokte eará evttohasa, Tanja Sanila ja Sergei Kp. Fofonoff leaba dieđihan ahte soai leaba duhtameahttumat válgalávdegotti mearrádussii, dieđiha YLE Sápmi.
