Nuorta-Finnmárkkus ja duoddaris galgá buot fiidnámus dálki vahkkoloahpas.
– Nuorta-Finnmárkkus ja duoddaris galgá oalle fiinnis šaddat dál ovddos guvlui. Arvi mii boahtá Davvi-Norgii odne ja ihttin ii árvideames guoskka dohko, muitala dálkedovdii Ragnhild Nordhagen NTB preassadieđáhusas.
Dássážii lea Davvi-Norggas leamaš sihke arvi, borga ja galmmas, muhto dál orru dat jorggiheame.
20 lieggaceahki
Dál boahtá liekkas mii guhkit áiggi lea leamaš lulde.
– Erenoamážit Nuorta-Finnmárkkus ožžot báhka go galget 20 lieggaceahki sihke bearjadaga ja lávvordaga. Muđui dieđiha galbmaset dálkki Romssas ja Nordlánddas, dadjá Ragnhild Nordhagen.
