19-jahkásaš dievdu lei geavvan skutera vuollái sotnabeaieahkeda ja lei viggan gohččut vehkiid, muhto báikkis ii lean mobiloktavuohta.
19-jahkásaš dievdu lei geavvan skutera vuollái sotnabeaieahkeda ja lei viggan gohččut vehkiid, muhto báikkis ii lean mobiloktavuohta.
19-jahkásaš bárdni dieđihuvvui láhppon Stillas go ii lean boahtán ruoktot maŋŋel skutertuvrra sotnabeaieahkedis. Politiijat ja Rukses Ruossa vulge Stillai ohcat skutervuoddji.
SeaKing lei maid gohččojuvvon boahtit, muhto heajos dálkki dihte dieđihii SeaKing ahte ii sáhte loktanit ovdal go diibmu 03:30.
Gávdne bártni skutera vuolde
Gádjunveahkit dieđihedje gávdnan bártni iežas skutera vuolde. Son lei veallán skutera vuolde sotnabeaivvi diibmu 19 rájes. Son lea gozuid alde ja hupmá gádjunvehkiiguin, dieđihit politiijat.
– Son lei viggan riŋget vehkiid, muhto ii leat mobiloktavuohta báikkis gos gávdnui, dieđihit politiijat.
Operašuvdnajođiheaddji Andreas Haugaasen muitala ahte sus lei lihkku go gávdnui.
– Gádjunveahkit gávdne álggos skutera skuterluotta lahkosis, ja šadde roggat bártni luovos. Son ii oidnon skutera vuolde. Lea hui guoldu ja son lei jávvásan muohttagii skutera vuollái, muitala Haugaasen NTB:i.
Gádjunveahkit dolvo bártni ambulánssa ja doaktára lusa, ja dolvo gádjunhelikopteriin Hámmárfeastta buohccivissui eanet iskkadeapmái.
