-Almmuhus-
OĐĐASATNuorra rávisolbmot galget nuvttá oažžut psykiátralaš veahki

Nuorra rávisolbmot galget nuvttá oažžut psykiátralaš veahki

-

-

Nuorat geat leat deavdán 18 jagi eai galgga dárbbahit máksit iešmávssu go fitnet mánáid- ja nuoraidpsykiatriija poliklinihkas (MNP) ja nuoraidpsykiatriija ovttadagas (NPO).

– Pasieanttat geat dárbbašit veahki, galget oažžut veahki. Dat geahpida vejolašvuođa dearvvašvuođabálvalusa oažžut nuoraide geat rahčet psyhkalaččat, lohká stuorradiggeáirras Sveinung Stensland NTB:i.

Ráđđehus evttoha dál rievdadit njuolggadusa ahkemeari ektui ja loktet máksinráji 23-jahkásaččaid rádjái go áigu MNP:i ja 30-jahkásaččai go áigu NPO:i.

Ollu báikkiin lea nu ahte nuorat geat leat badjel 18 jagi boarrásat eai leat dárbbašan máksit iešmávssu psykiátralaš divššus, ja eará báikkiin leat sii šaddan máksit divššu ovddas. Dál áigot ráđđehusbellodagat čorget dan dili ja evttohit rievdadit njuolggadusaid nu ahte doaibma lea seamma dásis buohkaide.

 

Váldet eret hehttehusa

– Iešmávssut eai galgga hehttet nuoraid oažžumis veahki go dárbbašit psyhkalaš dearvvašvuođaváttuide veahki, lohká Gurutbellodaga Carl-Erik Grimstad, ja deattuha ahte psyhkalaš dearvvašvuohta lea Gurutbellodaga ja ráđđehusa áŋgiruššansuorgi.

Evttohus lea oassin stádabušeahtas man ráđđehus almmuha mánnodaga, muhto ii leat várrejuvvon makkárge supmi mainna gokčá goluid, ja hoigaduvvo Helfo bušeahttameroštussii, mas lea dearvvašvuođabálvalusaid refušuvdnaortnega ovddasvástádus.

 

Fuomášuvvui ođđajagis

Doaimmaheami bonjuvuohta fuomášuvvui go ruhtadeami hárrái álggahedje dearvvašvuođafitnodagaid rievdadusaid. Oktasašorganisašuvdna dieđihii ášši birra, ja Bargiidbellodat ja Sosialisttalaš Gurutbellodat reagerejedje. Dál leat ráđđehusbellodagat geahččaleame čorget dan dili.

– Ovddádusbellodat (OB) lea rámis go leat veahkkin nu ahte eanet nuorat, geat dárbbašit veahki, eai dárbbat máksit iešmávssu. Leat beare ollu nuorat geat rahčet psyhkalaš dearvvašvuođaváttuiguin, ja mii fertet heivehit nu ahte sii besset mannat njuolga sisa ja oažžut veahki ovttatmano. Sáhttá jođánit leat heaggadárbu, lohká OB dearvvašvuođapolitihkalaš cealkámušolmmoš Åshild Bruun-Gundersen.

(©NTB)

-Almmuhus-