Ođđa logut čájehit ahte ovttas juohke logát norgalaččas ii leat stohpogálvodáhkádus, ja dáhkádus váilu dávjjimusat sis geat leat vuollel 30 jagi.
Dan čájeha riikkaviidosaš iskkadeapmi maid YouGov lea dahkan If ovddas. 1007 olbmo leat jearahallojuvvon.
Guhtta proseantta vástida ahte ii leat stohpogálvodáhkádus, ja vihtta proseantta dadjet ahte eai dieđe. Ahkejoavku 18-29 jagi sierrana, 13 proseanttas váilo stohpogálvodáhkádus ja 17 proseantta eai dieđe lea go vai ii.
Norgga dáhkádusfitnodagain stohpogálvodáhkádus gokčá earret eará buollin-, luonddu-, ja čáhcevahágiid dávviriin ja stohpogálvvuin ja jos mihkkege suoláduvvo dus.
