Jáhkket nuorra olbmo njoammudan olmmoš gii lea boahtán «rukses» riikkas.
– Mii jáhkkit dat olmmoš lea ožžon korona olbmos gii lea boahtán «rukses» riikkas, jáhkkit ahte lea leamaš njuolggooktavuođa dán áššis, dadjá gieldda ovdánahttinossodaga ja preassa ovddasteaddji Kjell Magne Rasmussen lávvordatiiđida Ávvirii.
Nuorra olmmoš
Porsáŋggu gielda dieđihii gaskavahku golggotmánu 14. beaivvi ahte ovtta olbmos sin gielddas lea duođaštuvvon covid-19. Bearjadateahkeda bođii ođđa preassadieđáhus ahte ovtta olbmos lea vel duođaštuvvon korona. Olbmui, gii lea vuollel 20-jahkásaš, lea njommon korona sisriikkas oahpes njoammungeainnu bokte. Dat olmmoš lea erremis ruovttustis ja dearvvašvuođabargit čuovvulit su dili.
Loga maid: Bođii ruoktot «rukses» riikkas
Preassadieđáhusas maid boahtá ovdan ahte buot nuoraidskuvlla ohppiid ja oahpaheddjiid iskosat ledje negatiivvat. Sii besset erremis eret. Vuossárgga rájes álgá skuvla 10. luohkkálaččaide nu go dábálaččat.
– Muđui lea stáhtus nu go ikte, eat leat ožžon eará dieđuid, dadjá Rasmussen.
Loga maid: Covid-19 duođaštuvvon Porsáŋggus
Loga maid: 40 nuoraidskuvlaoahppi erremis Leavnnjas
Loga maid: – Masá buot njoammunguorramat leat čađahuvvon Leavnnjas