Politiijat leat dárkkistan johtolaga Álttás ja leat duoguštan vuodjinkoartta muhtin nuorra dievddus.
Sotnabeaivvi eahkeda mihtidedje politiijat johtolaga leavttu Áronjárggas, Álttás. Báikkis lea lohpi vuodjit 50 km/d ja alimus mihtiduvvon leahttu lei 75 km/d. Vuollel 20-jahkásaš dievdu massii vuodjinkoartta.
Moadde diimmu maŋŋel mihtidedje politiijat biilavuddjiin promilla Álttá gávpotguovddážis. 44 biilavuoddji dárkkistuvvo ja buohkat ledje čilgosat.
– Buorre! čállet politiijat Twitteris.