Sullii bealli 13–17-jahkásaš nuorain leat oaidnán reklámaid sosiála mediain, mat čájehit gálvvuid mat galget veahkehit seaggut dahje addit stuorát dehkiid.
Dan čájeha Mánát ja mediat 2020 guorahallan man Mediabearráigeahčču lea dahkan. Sihke Mediabearráigeahčču ja Golaheaddjebearráigeahčču ohcalit dál njuolggadusmearrádusa mii suodjala geavaheddjiid buorebut.
Mediabearráigeahču guorahallan čájeha ahte mánát vásihit árrat reklámadeattu.
– Mii ballat ahte dakkár reklámadeaddu nu nuorra mánáide váikkuha rumašdeddui. Stuora geavahanvuogádagat fertejit juoidá dahkat unnidan dihte dakkár márkanfievrrideami nuoraide, dadjá Mediabearráigeahču direktevra Mari Velsand preassadieđáhusas.
