Scene Finnmark lea ohcame ovtta ovccát luohká geat galget Finnmárkku ovddidit našunála čáppagirjjálašvuođa prošeavttas.
Scene Finnmark lea ohcame ovtta ovccát luohká geat galget Finnmárkku ovddidit našunála čáppagirjjálašvuođa prošeavttas.
«Uprisen» lea girjjálaš fálaldat mii galgá addit vejolašvuođa nuoraide deaivvadit ođđa nuoraidgirjjálašvuođain. Dát lea !les searvvi, Norgga girjjálašvuođafestivála ja Scene Finnmark / Finnmárkku Kultuvrralaš skuvlaseahka ovttasbargu. Nuorat besset ieža válljet vuoiti, ja ii okta ge eará girjjálašvuođa bálkkašupmi fála vuoitái nu stuora rolla go Davviriikkaid stuorámus girjjálašvuođafestivála.
Árvvoštallat girjjiid
Čieža fylkka galget dán čavčča válljet ovccát luohká geat galget lohkat ja árvvoštallat vihtta čáppagirjjálašvuođa girjji mat leat nuoraide. Finnmárkkus válljejit Finnmárkku fylkkagirjerájus, Davvi-Norgga girječálliidguovddáš ja Scene Finnmark ovtta ovccát luohká fárrui.
Bovdejuvvojit searvat Norgga Girjjálašvuođafestiválii
Bargu álggahuvvo guovvamánus ja bistá gitta miessemánnui. Luohkká oažžu čieža girjji juohke nammaduvvon girjjis, ja leat vihtta nammaduvvon girjji maid galget árvvoštallat. Kritihkarfáttar Solgunn Solli finada luohkás moatte geardde giđas, ja luohkká oažžu válljet guokte oahppi ja ovtta oahpaheaddji geat besset searvat «Uprisen» bálkkašumi addimii mii lea Norgga Girjjálašvuođafestiválas Lillehammeris miessemánu.
Lea áibbas nuvttá searvat, ja Scene Finnmark ja ovttasbargoguoimmit gokčet measta buot goluid prošeavttas. Dieđihanáigemearri lea golggotmánu 28. beaivvi.
