-Almmuhus-
OIDNON JA GULLONNuorat sáhttet dál váldit oktavuođa LO geasse­patruljein

Nuorat sáhttet dál váldit oktavuođa LO geasse­patruljein

Journalista

-

-

Sáhttá go bargoaddi gozihit du barggus? Maid sáhttá hoavda vuordit dus? Mo luopmoruđat doibmet? Ii leat álo nu álki diehtit mo diŋggat doibmet go leat ođas bargoeallimis.

Danne rahppo LO geassepatruljekantuvra miessemánu 13. beaivvi ja lea rabas vahkkobeivviid gaskal ovcci ja njealji. Borgemánu 9. beaivvi rádjái sáhtát váldit oktavuođa singuin jus leat vuohččan barggus, dahje leat nuorra ja leat jearaldagat iežat rivttiid birra bargoeallimis. 

– Lihkká dehálaš go ahte nuorat besset geahččaladdat bargoeallimis, lea ahte sis lea buorre vásáhus, dadjá LO nuoraidráđđeaddi, Sindre Hornnes, preassadieđáhusas.

Dán jagi ávvuda LO 125 jagi ja LO geassepatrulje lea galledan nuoraid bargoeallimis fargga 40 jagi. Daid jagiid lea LO oaidnán ahte hástalusat bargoeallimis leat rievdan.

– Vaikko hástalusat leat rievdan, de lea ain dat vuđolaš govva seamma. Nuorat fertejit oažžut dieđuid iežaset rivttiid birra, ja diehtit gosa sáhttet mannat jus leat gažaldagat. Danne sávvá LO ahte nuorat váldet oktavuođa jus dárbbahit bagadallama.

Geassebargu lea dávjá nuoraid vuosttaš deaivvadeapmi  bargoeallimiin ja LO geassepatruljes lea mihttu dahkat dan deaivvadeami nu oadjebassan go vejolaš. Eambbo máhttu rivttiid ja geatnegasvuođaid birra, addá sihkkarit bargodili, sihke bargái ja bargoaddái.

-Almmuhus-