Finnmárkkut politiijat dieđihit gaskavahkku eahket Twitteris doarruma birra Deanu šalddis.
– Nuorat leat 15-jahkásaččat ja boarráseappot. Sivva doarrumii sáhttá leat ahte vuorraset olgoriikalaččat várohedje bártnážiid skoalkkuhan uvssaide ja ieža bidjan báhtui, njulgestaga hilbošeame. Dat leat min mielas dárbbašmeahttun garrasit reageren, dadjá politiijaid operašuvdnahoavda, Eirik Pedersen iFinnmarkii, mii ovddemuš čálii dán birra.
Cavgiluvvon
Vihtanat leat cavgilan politiijaide, geat ledje báikkis birrasii beal guoktenuppelogis ja ledje sáhkalaga nuorain. Pedersenis ii leat vel čielga lohku galle olgoriikalačča ledje, muhto čuovvolit ášši odne.
Okta nuorain galgá dolvojuvvon doaktára lusa.
