-Almmuhus-
SMÁVVAOĐĐASATNuorat háliidit Norggas luomu­stallat

Nuorat háliidit Norggas luomu­stallat

-

-

Masá bealli Norgga nuorain gaskal 18-29 jagi háliidit luomustallat ruovtturiikkaset maiddái maŋŋel go pandemiija nohká. 

70 proseantta norgalaččain áigot ruovtturiikkas luomustallat geasset. Olu nuorra olbmot dadjet ahte háliidit luomustallat Norggas maiddái maŋŋel go pandemiija nohká. 

47 proseantta nuorain gaskal 18-29 jagi háliidit boahtteáiggis luomustallat ruovtturiikkas, čájeha NHO Reiseliv guorahallan. 

– Dat lea mealgat eanet go eará ahkejoavkkuin, main 35 proseantta vástidit dan seamma. Dát čájeha ahte Norgga mátkeealáhusain leat stuora ovdánahttinvejolašvuođat, dadjá NHO Reiseliv hoavda Kristin Krohn Devold. 

Luondu geasuha

– Mun jáhkán fitnodagat mat fállet erenomáš luondduvásáhusaid bohtet geasuhit nuoraid. Dasa lassin leat Norggas urbána guossohan- ja olgobáikkit. Koronakriissas leamaš stuora váikkuhus mátkeealáhussii, muhto dál áigut dán ealáhusa fas oažžut julggiid ala, lohká Krohn Devold. 

Guorahallamis boahtá maid ovdan ahte čiežas lohkásis plánejit luomustallat Norggas geasset, ja eatnasat plánejit galledit Vestlándda ja Vikena. 

10 proseantta norgalaččain plánejit mátkkoštit olgoriikii. 

Guorahallama lea Ipsos čađahan ja sii leat jearahallan 1047 olbmo. (©NTB)

-Almmuhus-