Iskosis mii lea dahkkon Kantaris Sex og samfunn ovddas čájehuvvo ahte nuorat eai leat odne nu duhtavaččat seksuálaoahpahusain go maid ovdal leat leamašan.
Dáhta lea vuođđuduvvon iskosis mii čađahuvvui 2021:s, ja dat lea buohtastahtton seamma iskosiin mii čađahuvvui 2017:s.
Sex og samfunn čađahii seammalágan iskosa oahpaheaddjiid ja ohppiid gaskkas 2016:s ja 2017:s, ja dalle oaivvildedje dušše golmmas logi oahpaheaddjis ahte seksuálaoahpahus maid ieža dolle lei doarvái buorre. Seammás dadje gávccis logi oahppis ahte lei dehálaš oažžut buori seksuálaoahpahusa skuvllas, vai oažžu buori oktavuođa iežas rupmašiin.
Ođđa iskkus dahkkon 2021 čavčča čájeha earret eará ahte oahppit leat unnit duhtavačča otná seksuálaoahpahusain go maid ledje 2017:s.
