-Almmuhus-
-Almmuhus-
-Almmuhus-
OĐĐASATNuorat eai lihkat doarvái

Nuorat eai lihkat doarvái

-

-

Nuorat miehta máilmmi lihkadit beare unnán.

Ođđa dutkkus čájeha ahte nuorat 146 iešguđet riikkas eai lihkat nu ollu go Máilmmi dearvvašvuođasearvi ávžžuha. Nu čállá forskning.no.

Logut bohtet 298 dárkkástusas, ja čájehit ahte 81 proseantta nuorain lihkadit unnit go diimmu juohke beaivvi. Norggas lihkadit badjel 78 proseantta bártniin ja 88 proseantta nieiddain beare unnán.

Erohusat sohkabeliid gaskka

Gaskamearálaččat lihkadit bártnit eanet go nieiddat miehtá máilmmi, muhto stuorámus erohusat sohkabeliid gaskkas leat rikkis, oarjeriikkain.

Forskning.no čállá maid ahte dasa lassin leat bártnit eanet álgán lihkadit go buohtastahttet 2001 ja 2016 loguid.

Eahpesihkkarat

Dutkit aŋkke muittuhit forskning.no:s ahte logut leat eahpesihkkarat máŋgga dáfus, muhto eai eahpit gal mii sin loahppacealkámuš lea:

– Jus galgat olahat Máilmmi dearvvašvuođasearvvi ávžžuhusaid, de fertejit biddjot johtui doaimmat. Miehtá máilmmi fertejit jurddašit viidát. Dat guoská lášmmohallamii skuvllas ja vejolašvuohta lášmmohallat astoáiggis, ja maiddái dorvvolaš vázzinluottaide, čállet dutkit The Lancet-dutkanalmmuhusas forskning.no dieđuid mielde.

-Almmuhus-