Álbmotdearvvašvuođainstituhtta leat geahčadan leat go nuoraid borrandábit rievdan pandemiijaáiggi. Bohtosat čájehit mearkkašahtti lassáneami sohkkaris nuoraid gaskkas.
Lea mearkkašahtti lassáneapmi nuorain geat borret beare olu sohkkara, čájeha iskkadeapmi maid Álbmotdearvvašvuođainstituhtta lea čađahan.
Dát nationála biebmodoalloguorahallan čájeha earret eará ahte 13-jahkásaš nuorat borret beare unnán ruotnasiid, šattuid ja murjjiid, ja ahte máŋggas borret fas beare olu sohkkara.
Gaskamearálaš oassi nuorain geat borret beare olu sohkkara (>10 energiijaproseantta) lassánii 34 proseanttas njukčamánu 2020 40 prosentii 2022 giđa.
Obbalaččat eai lean rievdadusat nuoraid borrandábiin 2018 rájes 2022 rádjái. Dušše dat mearkkašahtti lassáneapmi sohkkaris lei rievdan.
Raporta ii liikká atte vuođu konkluderet man dásis pandemiijadoaibmabijut leat sivvan dan olu sohkarborramii Norgga nuoraid gaskkas dan áigodaga. Doaibmabijut vástidit ahte lea obbalaš lassáneapmi energiijajuhkosiin mánáid ja nuoraid gaskkas.
Oktiibuot vástidedje 23 proseantta nieiddain ja 38 proseantta bártniin ahte leat juhkkan energiijajuhkosiid. © NTB
