Nuoramusaid sávaldat ollašuvvá: SlinCraze čuojaha Márkomeanus

– Mii leat rámis go beassat muitalit ahte Sámi supernásti boahtá Márkomennui geasset. SlinCraze lea šaddan okta dain stuorimus ráppárin Sámis, namahuvvon lávlagiiguin «Várjalan» ja «Good Life». Su dokumentára «Arctic Superstar» lea čájehuvvon miehtá máilmmi. Seammás almmuhemiin álggahit bileahttavuovdima juovlahattiiguin, muitala festiválajođiheaddji Marita Eilertsen preassadieđáhusas.

SlinCraze vuosttaš artista man almmuhit

SlinCraze lea Mázes eret. Su teavsttat leat eanemus davvisámegillii, ja leat dušše moattis earát geat maid ráppejit davvisámegillii. Maŋŋil vuosttaš geardde lávdde nalde 2005:s, lea son šaddan beakkán artistan Sámis. Son vuostálastá givssideami ja vealaheami mánáid ja nuoraid gaskkas, ja dan son deattuha iežas teavsttaid bokte. Maŋimus áiggi lea son almmuhan musihka mii gullo dokumentáras «Arctic Superstar», ja johtán miehtá Davvikalohta ja doallan konsearttaid.

Geassefestivála bearrašii

Márkomeannu lea sámi musihkka- ja kulturfestivála mii lágiduvvo Evenáši ja Skániid suohkanrájis suoidnemánnu 27. – 30. beaivvi. Festivála buktá ovdan juohke jagi sámi artisttaid, dáiddáriid ja kulturolbmuid olles Sámi guovllus. Prográmmas lea musihkka, visuála dáidda, lávdedáidda, girjjálašvuohta, seminárat, valastallamat, vádjolusat, sámi márkanat, ja vel sierra mánáid- ja nuoraidprográmma.

Márkomeannu lea mánnáveagaide, giliolbmuide, olles Sápmái ja dutnje guhte háliidat oahppat eanet ustibiiddát kultuvrra birra. Don leat bures boahtin ležžet dus čázehat, skuovat dahje stevvelat juolggis.

– Mii lohpidit albma buori konseartta go SlinCraze boahtá iežas showain Márkomennui 2017, dieđiha festivála preassadieđáhusas.