Čoavjedánsun ja Bollywood dánsun mánáide lea álgán Álttás, ja lágideaddji dieđiha ahte leat ain sajit kursii.
Čoavjedánsun ja Bollywood dánsun mánáide lea álgán Álttás, ja lágideaddji dieđiha ahte leat ain sajit kursii.
Dánsumat leat mánáide geat leat 4-jahkásaččat ja gitta 12-jahkásaččaide. Lágideaddjit fállet geahččalandiimmu, gos mánná sáhttá geahččalit dánsut ovdal go mearrida háliida go joatkit.
Čoavjedánsun lihkastagat
Nuoramus mánát ohppet čoavjedánsuma ja vuođđolihkastagaid Bollywood dánsumis. Sii ohppet maid dánsunstoahkama ja geavahit suokka. Nuoramusat ohppet maid ovtta unna dánssaža.
Boarráset mánát, 8 jagis 12 jahkái, ohppet vuođđolihkastagaid, vugiid ja koreografiija mii lea heivehuvvon mánáide. Mánáin fertejit leat dánsungárvvut, go buohkat lávejit háliidit mielde dánsut čájálmasain, čállá Alta Magedans og Yoga doaluid birra.
Buorre lihkadeapmi rupmašii
Sihke jortamovrrat, fysioterapevttat ja kiropraktorat lohket čoavjedánsuma leat buorren niskái, olggiide, čoarvedáktái ja čielgái.
– Dánsun lea suohtas vuohki hárjehallat, ja heive juohke agi olbmui ja sturrodahkii. It dárbbat ovdalaččas máhttit dánsut dahje leat hirbmat buori vuoimmis go álggát, čilge Ingunn Lyngstad gii jođiha Alta Magedans og Yoga, ja muitala ahte álggus lea ollu teknihkkahárjehallan, ovdal go bidjalit leahtu ja álget váddáset osiid oahppat.
