Logat luohká oahppi čukkohalai niibái sáttogáddefeasttas Stjørdalas.
Logat luohká ohppiin lei loahpahanfeasta go okta dain nuorain fallehuvvui ja čukkohalai moddii niibái.
Son gii čukkohalai dieđihii ieš politiijaide disdaga maŋŋelgaskabeaivvi, čállá Adresseavisen.
Duođalaš ášši
Oahppi lea leamašan iskosis buohcciviesus ii ge leat nu bahuid roasmmehuvvan, muhto politiijat atnet goitge dan hui duođalažžan go livččii sáhttán mihá vearrábun šaddat.
– Mii válddiimet gitta sivalačča ja son lea dal áššáiduhtton, muhto luitojuvvon luovos su agi dihte, lohká Stjørdal leansmánnikantuvrra dutkanjođiheaddji Eivind Guldahl.
Ii lean plánejuvvon
Feasttas galget leamašan máŋgačuođi nuora.
– Goappaš nuora galgaba leat geargan nuoraidskuvllas. Ii mihkkege čájehuvvo ahte dat galgá leat plánejuvvon čuggen niibbiin, lohká Guldahl.
Politiijat sávvet oktavuođa olbmuiguin geat ledje doppe go dáhpáhus deaividii, earenoamážit olbmuiguin geat leat govven dahje filbmen feasttas. (©NTB)
