-Almmuhus-
KULTUVRANuoraidromána almmuhuvvo sámegillii

Nuoraidromána almmuhuvvo sámegillii

-

-

Ante Aikio nuoraidromána «Jeaggejávrri čiekŋalasat» lea almmuhuvvon suomagillii 2014:s. Dát lea fantasiijaromána mas sámi mytologalaš hámit leat rollain. Girji lea rámi ožžon Suomas ja daddjo leat gelddolaš lohkamuššan.

Ante Aikio vuosttaš girji «Jänkäjärven syöverit» (Jeaggejávrri čiekŋalasat) almmuhuvvo sámegillii 2017:s.

 

Almmuhuvvon suomagillii


Jänkäjärven syöverit girjji olggoš. Preassagovva

Sápmelaš girječálli vuosttaš romána «Jeaggejávrri čiekŋalasat», mii almmuhuvvui suomagillii 2014:s, almmuhuvvo sámegillii 2017:s.

– Lea buorre go girji almmuhuvvo davvisámegillii go dál dat boahtá dan gillii mii lea girjji máilbmái gullevaš giella, dadjá girječálli Ante Aikio preassadieđáhusas.

 

Fantasiijaromána


Háhtežan. Preassagovva

Davvi Girji lágádus Kárášjogas doaivu ahte Aikio fantasiijaromána lea girji mii geasuha fáttás ja muitalanvuogis beales sihke nuorra lohkkiid ja eará lohkkiid geat beroštit sámi mytologiijas.

Sámegielat lohkkiide soitet girjji persovnnat ja máinnasfuođđut leat oahppásat ja sii dihtet mat leat ovdamearkka dihte Njávežan dahje Háhtežan, muhto ovdal ii leat dán hámis sidjiide fállon muitalus.

– Mii dáhttut ahte sámegielat lohkkit besset lohkat sámi kultuvrras bohciidan girjjálašvuođa eatnigillii. «Jeaggejávrri čiekŋalasat» heive bures dása sihke fáttás ja ođđaáigásaš muitalanvuogis beales. Dánlágan girjjiide gávdnojit lohkkit Sámis, jáhkkit mii Davvi Girjjis.

 

Ožžon rámi

Girji lea rámi ožžon Suomas ja daddjo ahte dát lea gelddolaš lohkamuššan.

Davvi Girji lea ožžon dovddus giellačehpiid ja jorgaleddjiid Inga Guttorm ja Pekka Sammallahti jorgalit dán girjji suomagielas sámegillii. Girji almmuhuvvo skábman 2017.

 

 

-Almmuhus-