Scene Finnmark lea 2007 rájes doaimmahan neahttasiiddu ung-artist.no, gos Finnmárkku nuorat leat beassan vurket iešráhkaduvvon musihka vai earát besset gullat dan. Dál heaittihit neahttabálvalusa.
Scene Finnmark lea 2007 rájes doaimmahan neahttasiiddu ung-artist.no, gos Finnmárkku nuorat leat beassan vurket iešráhkaduvvon musihka vai earát besset gullat dan. Dál heaittihit neahttabálvalusa.
Scene Finnmark lea oaidnán ahte musihkkalaš nuorat leat geavahišgoahtán daid stuora neahttasiidduid gos juogadit iežaset musihka, nu go Soundcloud ja NRK Urørt. Dál heaittihit ung-artist.no siiddus musihkkabálvalusa, ovdalaš mufistar.no siiddu.
Eai nagot gilvalit stuora neahtasiidduiguin
Unnán ruhtadeapmi ja resurssat hehtte ovdánahttima mii dárbbašuvvo vai nuorat atnet ung-artist.no siiddu buorren fálaldahkan daid stuora neahttasiidduid ektui, ja dál lea vealttakeahtes mearrádus dahkkon.
– Ii ábut jurddašit ahte eat vuorut nuoraid áigumušaid Scene Finnmark nuoraidbarggus – dat lea baicce eanet jierpmálaš ruhta- ja resurssa geavaheapmi, muitala Scene Finnmárkku jođiheaddji Steffen Blindheim.
Geavahit ruđa eará ládje
– Mii áigut olahit eanet jus daid seamma ruđaid sirdit eará prošeavttaide mat leat nuoraid váste, ii ge gilvalit máilmmiviidosaš neahttasiidduiguin main leat seamma doaimmat. Dat lea divrras ja gáibida ollu áiggi leat mielde ovdáneamis mii dáhpáhuvvá dán suorggis – measta mánus mánnui. Mii fertet ipmirdit ja dohkkehit ahte ung-artist.no lea nohkkon dál, dadjá Blindheim.
Neahttasiiddu eai heaittit oalát, muhto galgá doaibmat diehtojuohkinsiidun gos gávdná ođđasiid, buvttademiid, dieđihemiid ja prošeavttaid.
«Dán jagáš nuorra artista» jotko boahtte jagi, muhto eará hámis go ovdal. Vuoiti lávejedje nammadit daid musihkaid gaskkas maid nuoraid ledje vurken ung-artist.no neahttasiidui.
