Dán vahkkus leat guovttis gártan Davvi-Norgga buohccevissui koronavirusa geažil.
Romssas lea maŋimuš vahkkuid leavvan koronavirus ja daid maŋimuš beivviid leat guovttis gártan buohccevissui koronavirusa geažil.
Nu dieđihuvvo Davvi-Norgga universitehtabuohcceviesu neahttasiidduin.
Dan rájes go koronavirus njoammugođii Norggas, leat Davvi-Norgga universitehtabuohcceviesuin leamaš 57 koronapasieantta.