Okta sihkkelasti gii oasálastii Bingesrittet gilvvuin, lea geahppasit roasmmahuvvan. Sea King gádjunhelikopter šattai viežžat su go guovttes bártideigga gilvvuin.
Okta sihkkelasti gii oasálastii Bingesrittet gilvvuin, lea geahppasit roasmmahuvvan. Sea King gádjunhelikopter šattai viežžat su go guovttes bártideigga gilvvuin.
Otnáš Bingesrittet sihkkelastingilvvuin lei lihkohisvuohta Biggejávregáttis.
Ávvira dieđuid mielde galgá nubbi vuos vuodján geađgái, ja nubbi vujii de su njeaiga maŋil. Dat maŋit galgá leat vearrábut roasmmehuvvan.
Finnmárkku buohcciviesus duođašit sis lea okta pasienta boahtán sihkkelgilvvuin Sea King helikopteriin.
– Mun sáhtán duođaštit ahte okta pasienta lea vižžojuvvon helikopteriin ja lea dál árvvoštallon leat geahppasit roasmmahuvvan. Su dilli lea dásset, muhto lea geahču vuolde. Nubbi sihkkelasti lea ožžon divššu suohkana doavtterbálvalusas, dadjá gulahallanráđđeaddi Eilert Sundt Finnmárkku buohcceviesus.
Raddi bávččas
Nubbi dievdu lei lohkan eará gilvvohalliide sus lea raddi bávččas lihkohisvuođa maŋŋel, ja galgá leat mannan galmmas oanehaš.
Vuoddjit leigga Bingesrittet gilvoluohkás fárus, mii álggii diibmu 13.00. Gilvoluohká vuoiti ollii diibmu 14.37.