Namma: Joar Eira Rasdal
Ahki: 42
Guovlu: Guovdageaidnu
Bargu: bargonávccaheapme
Namma: Joar Eira Rasdal
Ahki: 42
Guovlu: Guovdageaidnu
Bargu: bargonávccaheapme
1. Goas lea Š-bláđđi vuođđuduvvon?
–Naa.. Oažžu go árvidit? Mun dajan 1986. Boastut!
Rievttes vástádus: 1993
2. Maid dárkkuha fuolkenamahus vivva?
–Vivva go? Dat lea nieidda isit dahje irgi.. Dahje isit dat ferte gal várra leat. Riekta!
3. Joatkke diidda: «Gii boradettiin láhppá gáhkkobihttá, ja maŋŋil fas gávdná dan…»
–Dien gal in oba máhte ge, dan gal in dieđe. Ferten beare dadjat ahte sus lea lihkku. Boastut!
Rievttes vástádus: «… son boahtá guovtte geardde náitalit.»
Go Eira ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Eira vállje rukses ivnni, ja mii jearrat sus dán árvalusa:
Don boađát galbma bartii dálvet, barttas lea ginttal, parafiidnalámpá ja uvdna, muhto lea dušše okta riššasággi báhcán. Maid don cahkkehat vuosttažin?
–Na ginttala. Boastut!
Rievttes vástádus: Riššasákki
–Nu dat dieđusge ferte.
Čuoggá oktiibuot: 1 čuokkis
Juohke gilvaleaddji beassá hástalit ođđa gilvaleaddji Ávvira geassegilvui. Mikkel Andreas Eira hástalii Joara. Ja Joar Eira Rasdal hástala Odd Arne Hætta searvat gilvui.
