Lea myhta ahte koronaleavvan boahtá báruin, dadjá NTNU-professora Steinar Westin, gii oaivvilda ahte njoammunlassáneapmi lea oassi seamma leavvamis árabut dán jagi.
– Dat dainna nuppi báruin, lea dušše juoga mii lea báhcán spánskadávddas vásáhussan. Korona lea dušše ovtta bárus, dadjá sosiálmedisiidna professora Steinar Westin Dagbladet aviisii.
Njoammunlassáneapmi, man oaidná máŋgga Eurohpá riikkas, lea oassi dan seamma leavvamis masa buohkat fáhtehalle ja lea váikkuhus das go geahpidedje gáržžádusaid, oaivvilda Westin.
Westin lohká koronapandemiija báidnit servvodaga dassái go doaimmalaš vaksiidna gávdno.
– Mii leat leamaš menddo oadjebasat dainna go eanaš guovlluin Norggas leat leamaš lagabui nulla njoammumat maŋimuš mánuin, boađusin daid čavgadis doaibmabijuid dihte mat bohte maŋŋel njukčamánu 12. beaivvi. Dat nu daddjon «nubbi bárru», man mii dál oaidnit, lea dušše politihkalaš mearrádusaid váikkuhus go rahpe servvodaga eambbo, dadjá son.
©NTB
