Guovdageainnu báhppa Jan Einar Høifødt sávvá álbmoga boahtit Šuoššjávrái boahtte sotnabeaivvi go dalle filbme NRK ipmilbálvalusa mii sáddejuvvo NRK:s vuosttaš beassášbeaivvi.
NRK sádde dán jagi vuosttaš beassášbeaivvi ipmilbálvalusa Šuoššjávrri kirkus.
– Olles ipmilbálvalus lea sámegillii, ii mihkkege tulkojuvvo. Lea mázelaš Tore Turi gii sárdnida. Skádjil lávlunkoarra lávlu. NRK filbme ipmilbálvalusa sotnabeaivvi, njukčamánu 19.beaivvi. Ipmilbálvalus álgá tiibmu 11.00 áiggi ja bistá tiimmu, muitala Guovdageainnu báhppa Jan Einar Høifødt ja deattuha:
– Lea dušše sámegillii.
