-Almmuhus-
-Almmuhus-
OĐĐASAT NRK ruhta­deapmi rievda­duvvo

NRK ruhta­deapmi rievda­duvvo

-

-

Liseansa jávká ođđajagimánu 1.beaivve 2020:i rájes. NRK galgá dan rájes ruhtaduvvot vearrovuogádaga bokte. Dállodoalus gos leat guokte vearromáksi šaddet máksit sullii seamma ollu go ovdal, jos sii leat divvaga máksán.

– Liseansarievdadusa oktavuođas lean mun atnán erenoamáš fuola das ahte okta dállodoallu, mas leat guokte rávesolbmo, eai galgga dárbbašit máksit eanet go maid ovdal leat máksán. Dáinna ráđđehusa bušeahttaevttohusain mas NRK ruhtadeapmi evttohuvvo,  nagodit dan vuhtiiváldit, dadjá ruhtadanministtar Siv Jensen (OvB) ráđđehusa preassadieđáhusas.

Lea politihkalaš ovttamielalašvuohta das ahte liseanssa lea dárbu heaittihit dusten dihte teknologalaš ovdáneami ja álbmoga ođđa mediadábiid. Rievdadusa mielde sihkkarastit ahte NRK oažžu dássedis ja bissovaš ruhtadeami. 

-Almmuhus-