Gaskavahku giddejuvvo FM-fierpmádat maiddái Finnmárkkus ja Romssas. Dan rájes ii gula riikaviidosaš radiokanálaid šat FM-fierpmádaga botke. Logut čájehit ahte dan rájes go FM-fierpmádaga giddegohte, de lea NRK massán juohke viđat radioguldaleaddji.
Gaskavahku giddejuvvo FM-fierpmádat maiddái Finnmárkkus ja Romssas. Dan rájes ii gula riikaviidosaš radiokanálaid šat FM-fierpmádaga botke. Logut čájehit ahte dan rájes go FM-fierpmádaga giddegohte, de lea NRK massán juohke viđat radioguldaleaddji.
Gaskavahkku giddejuvvo FM-fierpmádat Romssas ja Finnmárkkus. Vássán jagis leat logi proseantta unnit olbmot geat guldalit radio beaivválaččat. Dan čájehit Kantar Media logut.
Jagis lea NRK massán 21 proseantta beaivválaš guldaleddjiin.
Nordlánddas, Møre ja Romsdalas ja Trøndelágas leat vel eambbo, juohke njealját, čállá Klassekampen.
Lei vuordimis
– Ii leat sihkar ahte leat massán guldaleddjiid, muhto beaivválaš guldaleddjiid. Jus geahččá olusat guldalit radio vahkkus, de ii leat dat lohku njiedjan seamma meari, lohká NRK radiohoavda Jon Branæs.
Son lohká maid ahte kanála lei vuordán dákkár ovdáneami.
«Veahkehan» unnit kanálaid
P4-joavku ja Bauer Medias fas leat lassánan guldaleaddjit dain guovlluin gos FM-fierpmádat lea jáddaduvvon.
– NRK lea leamaš veahkkin go lea vuosttažin jáddadan FM-fierpmádaga. Dat lea addán kommersiála kanálaide ovdamuni, man áigut geahččalit fas njulget boahttevaš jagiin, lohká Branæs.
Jáhkket stáđásmuvvat
Mediabearráigeahčču oažžu mánnosaš guldaleaddjiloguid Kantar Medias.
Direktevra Mari Velsand lohká ahte ledje vuordán njiedjama, ja jáhkket ahte radioguldaleapmi stáđásmuvvá boahtte jagi, go sirdimiin leat geargan. (©NTB)
