-Almmuhus-
-Almmuhus-
OĐĐASAT NRK ii váldde eret«Blackface» TV-vuorkkás

NRK ii váldde eret«Blackface» TV-vuorkkás

-

-

NRK ii hálit váldit eret dahje rievdadit sisdoalu mas sisttisdoallá «Blackface» sin historjjálaš vuorkkás.

Duorastaga mearridii Discovery (Dplay) váldit eret juovlakaleandarráiddu «Nissene over skog og hei», maŋŋel go ožžo kritihka geavaheames «Blackface» ráiddus.

«Blackface» gohčodit vilges olbmo gii mále ámadaju čáhppadin dahje ruškadin vai orru dego čáhppesvarat olmmoš.

Ovdal go válde eret ráiddu, de lei Instagram-konto «rasisme_i_norge» almmuhan poastta mas cuiggodii «Nissene over skog og hei» go lei rasisttalaš. Jamal Sheik, gii hálddaša Instagram-konto, lea maid almmuhan sáhkavuoru mas gažada go NRK ii áiggo iskat sin vuorkká.

NRK ii hálit váldit eret dahje rievdadit maidege sin TV-vuorkkás, nu go Discovery lea dahkan, čállá kanála.

NRK guoimmuhandirektevra, Charlo Halvorsen, čilge ahte vuorkkás lea 60 jahkásaš Norgga TV-historjá, ja dilli lea rievdan áiggi mielde.

– Mii leat diđolaččat das makkár sánit ja gaskaoamit mat sáhttet ipmirduvvot dahje mat leat rasistalaččat buot buvttademiin maid almmuhat, dadjá Halvorsen.

Son dadjá ahte NRK garvá geavaheames daid sániid ja gaskaomiid dálá buvttademiin maid almmuhit. Halvorsena dieđuid mielde ii leat NRK árvvoštallan  merket sisdoalu, nu go lea ávžžuhuvvon.

(©NTB)

-Almmuhus-