-Almmuhus-
OĐĐASATNorwegian lea massán 96 proseantta miel­čuovvuin

Norwegian lea massán 96 proseantta miel­čuovvuin

-

-

Áibmojohtolat ain ráhčá koronaroasus. Girdifitnodat Norwegian fievrridii 96 proseantta unnit olbmuid ođđajagemánus buohtastahtton diimmá loguiguin.

Dušše 74 000 mielčuovvu girde Norwegian girdiin ođđajagemánus – 96 proseantta unnit go diimmá ođđajagemánus. Fitnodagas ledje gaskamearálaččat gávcci girdi doaimmas, ja dain čuvvo mielčuovvut dušše 35,9 proseantta čohkkánsajiin.

Mielčuovvujohtalus – lohku man olu mielčuovvukilomehtera leat vuvdon (RPK) – lea njiedjan 99 proseanttain diimmá ođđajagemánu rájes, dieđiha fitnodat preassadieđáhusas duorastatiđida.

– Pandemiija ain čuohcá negatiivvalaččat min doibmii ođđajagemánus. Njoammundilálašvuohta ja mátkegáržžideapmi dahká ahte unnit olbmot sáhttet dahje háliidit mátkkoštit dál, muhto mii doaivut dan rievdat geasi guvlui, dadjá Jacob Schram, Norwegian konseardnahoavda. 

(©NTB)

-Almmuhus-