-Almmuhus-
-Almmuhus-
OĐĐASAT Norrbotten: Korona njommon boarrásiid siiddain – 8 jápmán 

Norrbotten: Korona njommon boarrásiid siiddain – 8 jápmán 

-

-

SVT Norrbotten dieđihit ahte korona dávda njoammi boarrásiid siiddain Norrbottenis ja dal duorastaga leat dieđihuvvon gávccis jápmán dávdii leanas. 

Maŋemus vahkus leat Jielleváris golmmas jápmán seamma boarrásiidsiiddas korona dávdii dieđihit SVT Norrbotten. Okta jámii buohccevissui ja guovttis boarrásiid siidii. 

– Min geahččalit eastadit dávddanjoammuma muhto dat dávda njoammu miehta Ruoŧa ja máilmmi. Boarrásat mas eará dávddat buohccájit garrasit dan korona dávdii, dadjá Annette Viksten Åhl SVT Norrbottenii. 

Vearrámus miessemánus

Anders Nystedt Region Norrbottena njoammueastadandoavttir dieđiha SVT Norrbottenii ahte son jáhkka ahte eanemus njommomat Norrbottenis bohtet leahkit miessemánu álggos ja de unno  dávda mihcamáraide. 

– Vearrámus dilli orro šaddame álgogeažis miessemánu. Mun ávžžuhan olbmuid bissut ruovttus dal beasážiid vai dávda ii njommo dadjá Anders Nystedt

Maiddái Girona  boarrásiid siiddain lea dieđihuvvon korona dávda

Dal leat dieđihuvvon 128 olbmos korona dávda Norrbottena leanas

54 olbmo ožžot divššu buohcceviesuin ja ovccis dain leat vuoidanmáinnas. Gávccis leat jápmán Norrbottena leanas. 

Ruoŧas leat oktiibuot  8.419 olbmui njommon korona dávda ja 687 leat jápmán. Eanemus njommo dávda Ruoŧa oaivegávpogis Stockholmmas. 

- Advertisement -
-Almmuhus-