Regiovna Norrbotten dieđiha ahte sii leat gávdnan koronadávdda guđa olbmos Norrbottenis. Duorastaga iđđedis bođii maid diehtu ahte giddejit olles skuvlla Haparandas maŋŋel go dávda lea gávdnon ovtta oahppis.
Regiovdna Norrbotten, mii hálddaša Norrbottena buohcciviesuid. ii lea muitalan gos Norrbottenis leat gávdnan koronadávdda. Muhto leat dieđihan ahte guđa olbmui lea njommon koronadávda.
Dál, duorastaga iđđedis, dieđiha SVT Norrbotten ahte Tornedalsskuvlla Haparandas leat mearridan giddet duorastaga rájes maŋŋel go leat gávdnan koronadávdda ovtta oahppis.
Tornedalsskuvlla Haparandas lea joatkkaskuvla mas leat 300 oahppi ja 100 rávesolbmo oahppit. Dál skuvla lea giddejuvvon ja sihke oahppit ja oahpaheaddjit leat ruovttus.
– Buohcci olmmoš galgá leamaš olgoriikkas luomustallame, dadjá skuvlla rektor Peter Mariin SVT Norrbottenii.
