Čáhcesullo joavku Norild vuittii Finnmárkku 4. divišuvnna spábbačiekčamis.
Norild časkkii Nordlysa 10-0 ruovttušiljus dan seammás go Porsáŋgu vuoittáhalai Fállejohkii. Norild lea 5 čuoggá ovddabealde Porsáŋggu ovdal maŋemus čiekčama, ja de ii sáhte Porsáŋgu šat joksat Norilda.
Vuolemusas ráidočiekčamis lea Guovdageaidnu. Bákteváris deaivvadedje Guovdageaidnu ja Girkonjárga. Guovdageaidnu vuoittáhalai 0-7 ja nu eai sáhte sii šat goargŋut ráidočiekčamis.
Boahtte váhkkoloahpa deaivvadit Nordlys ja Guovdageaidnu Niitoguolbanis dán áigodaga maŋemus čiekčamis.