Maŋimuš jahkebeali leat masá seamma oallugat jápmán koronavirusiin go pandemiijaleavvama guokte álgojagi.
Dan rájes go koronavirus leavai Norgii leat lagabui 4000 olbmo jápmán dainna. Maŋimuš jahkebeali lea jápminlohku lassánan masá beliin go buohtastahttá pandemiija guovtti álgojagiin.
– Jápminlohku lassána danin go 2022 leamaš eanet njoammun Norggas go pandemiija álgojagiid. lohká dearvvašvuođaveahkkedirektevra Espen Nakstad P4 rádiokanálii.
Norggas ledje registrerejuvvon badjel 2000 koronajápmima njukčamánu gaskamuttus. Guovtti vahkku áigi lei jápminlohku lassánan 3890 olbmui, čájehit Álbmotdearvvašvuođainstituhta logut.
– Vaikke boahkut suddjejit bures, de lea diehttelas ahte olbmot jápmet go dávda njoammu máŋga miljovnna olbmui. Leat eanaš boares olbmot geat buohccájit duođalaččat ja jápmet koronavirusiin, čilge Nakstad.
Eatnašat geat jápmet koronavirusiin leat badjel 80 jagi boarrásat. 60 proseantta dain geat jápmet orrot boarrásiidruovttuin.
(©NTB)
