Measta bealli vállje «Nyt Norge» biepmu, jus sáhttet. – Váldoággan lea ahte oaivvildit Norgga biepmuin lea buoret máhku. Olbmot háliidit doarjut Norgga biebmobuvttadeami, lohká Matmerk direktevra Nina Sundqvist.
Measta bealli vállje «Nyt Norge» biepmu, jus sáhttet. – Váldoággan lea ahte oaivvildit Norgga biepmuin lea buoret máhku. Olbmot háliidit doarjut Norgga biebmobuvttadeami, lohká Matmerk direktevra Nina Sundqvist.
– Leat hirbmat buorit logut midjiide geat leat oassin Norgga biebmobuvttadeamis, lohká Nina Sundqvist Matmerk preassadieđáhusas. Son lea hirbmat duhtavaš loguiguin.
– Buorit logut
Mediacom čađaha juohke jagi, seamma vahkku iskkadeami, man gohčodit BrandTrackerin. Dan leat dahkan 2011 rájes, ja dán jagi leat buot alimus mihtiduvvon logut.
88 proseantta dovdet almmolaš mearkka mii čájeha ahte lea Norggas buvttaduvvon biebmu.
83 proseantta lohket ahte lea álkit válljet Norgga biepmu ja juhkosa.
60 proseantta lohket ahte «Nyt Norge» mearka addá miela oastit Norgga biepmu.
45 proseantta lohket ahte álo válljejit «Nyt Norge» biepmuid jus lea vejolaš.
30 proseantta lohket ahte ohcet dan mearkka go leat gávppašeame.
Oahpis
– Mii oaidnit ahte «Nyt Norge» lea oahpis gávppašeddjiide, ja oaidnit ahte unna «Nyt Norge» mearka váikkuha. Addá olbmuide miela oastit Norgga biepmu rámbuvrras. Ii mihkke illut mu eambbo, lohká Sundqvist.
Vuoruhit bargosajiid ja oadjebasvuođa
Iskkadeamis leat maid jearran manne válljejit Norgga biepmu.
– Leat miellagiddevaš vástádusat, ja muitalit dehálaš dieđuid Norgga gávppašeddjiid birra. Sii vástidit ahte válljejit Norgga biepmu go jurddašit dat lea buoret. Muhto olbmot leat eambbo servodatberošteaddjit go dan, sii háliidit bisuhit Norgga bargosajiid eanandoalus ja biebmoindustriijas. Viidásit háliidit olbmot borrat biepmu man jurddašit leat oadjebassan, čilge Sundqvist.
– 90 proseantta lohket ahte deháleamos ágga válljet Norgga biepmu, lea bisuhit bargosajiid. 89 proseantta lohket ahte háliidit doarjut Norgga boandda. 66 proseantta lohket máhku lea stuorámus ágga, lohká Sundqvist.
Áigot čájehit albma biebmobuvttadeami
– Biebmomearkka ulbmil lea oažžut olbmuid válljet Norgga biepmu. «Nyt Norge» lea almmolaš mearka mii čájeha ahte lea Norggas buvttaduvvon. Mii leat ilus go oaidnit ahte lea gávppašeddjiide álkit gávdnat Norgga biepmu, lohká Sundqvist.
